Көркем еңбек пәнінің мұғалімі А.А. Асқарованың 7-сыныпқа арналған «Көркем еңбек сабақтарында тігін үйретудегі дәстүр мен заманауилықтың интеграциясы» атты авторлық бағдарламасы бойынша жұмыс тәжірибесін тарату.

Көркем еңбек пәнінің мұғалімі А.А. Асқарова 7-сыныптарға арналған «Тігін үйретудегі дәстүр мен заманауилықтың интеграциясы» атты авторлық бағдарламасын таныстырды.

Бағдарламаның негізгі мақсаттары: оқушылардың шығармашылық қабілеттерін дамыту, сәндік-қолданбалы өнерге деген тұрақты қызығушылықты қалыптастыру, ұлттық дәстүрлер мен заманауи технологияларды ұштастыра отырып, тігін тігудің практикалық дағдыларын меңгерту.

Семинарға Алматы қаласының бес ауданынан (Алмалы, Әуезов, Бостандық, Жетісу және Түрксіб) көркем еңбек мұғалімдері қатысты. Әріптестер ұсынылған тәжірибені жоғары бағалап, бағдарламаның практикалық маңыздылығын атап өтті. Кәсіби диалог барысында қатысушылар өздерін қызықтырған сұрақтарға толық жауап алып, оқыту әдістемесі мәселелері бойынша пікір алмасты.