Физика пәні мұғалімі Лебедева А.А.-ның авторлық бағдарламасы бойынша жұмыс тәжірибесін тарату «Атомдық және кванттық физика. Қазақстандағы атом энергетикасының даму перспективалары»

Физика пәні мұғалімі Лебедева Аэлита Александровна «Атомдық және кванттық физика. Қазақстандағы атом энергетикасының даму перспективалары» атты авторлық бағдарламаны жүзеге асыру тәжірибесін ұсынды.

Бағдарлама заманауи физиканың негізгі бағыттарын тереңдетіп оқытуға, білім алушылардың ғылыми дүниетанымын қалыптастыруға, атом энергетикасының дамуына және елдің технологиялық болашағына қызығушылығын арттыруға бағытталған.

Тәжірибе тарату жұмысына Алматы қаласының Алмалы, Алатау, Жетісу, Медеу, Түрксіб аудандарының, сондай-ақ Павлодар қаласы мен Батыс Қазақстан облысы Бәйтерек ауданының физика пәні мұғалімдері қатысты. Педагогтер ұсынылған тәжірибеге белсенді қызығушылық танытып, сұрақтар қойып, оң пікірлерін білдірді.