Жас мұғалімдер мектебі іс жүзінде

Гимназияда Жас мұғалімдер мектебінің отырысы өтті. Онда бірінші тоқсандағы тәлімгерлік қызметтің қорытындылары шығарылып, жас мамандармен жұмыс нәтижелері таныстырылды.
Тәлімгерлер жас педагогтердің кәсіби өсуі мен жетілуіне бағытталған тиімді тәжірибелерімен бөлісті.
Айта кетерлігі, әрбір жас педагогтің өзін-өзі дамыту бағдарламасында жасанды интеллект құралдарын пайдалану қарастырылған. Бұл педагогикалық шеберлікті арттыру мен цифрлық құзыреттілікті дамытудың заманауи тәсілін көрсетеді.

Жас педагогтер өз тәлімгерлеріне қолдау көрсеткені, кеңестері мен шабыт сыйлағаны үшін алғыстарын білдіріп, кәсіби дамуға деген ынталарын атап өтті.