Жас педагогтарға арналған цифрлық білім беру семинары
29 қаңтар күні гимназияда Алмалы ауданы мектептерінің жас педагогтарына арналған «Цифрлық мектептегі оқыту тәжірибесі: мұғалім құралы ретіндегі жасанды интеллект» тақырыбында семинар өтті.
Іс-шара аясында «ЖИ шаблонды сабақтарға қарсы: функционалдық сауаттылықты дамытуға арналған белсенді оқыту тәсілдері» атты ашық сабақтар панорамасы ұйымдастырылды. Педагогтер ағылшын тілі, биология, тарих және әдебиет пәндерін оқытуда цифрлық және ЖИ-құралдарын қолданудың заманауи тәсілдерін көрсетті.
Бағдарлама «ЖИ + геймификация» атты шығармашылық workshop-пен жалғасты. Қатысушылар қызықты әрі интерактивті сабақ құрастырудың тиімді тәсілдерімен танысты.
Семинар «Сынып жетекшісі: тәрбие жұмысындағы цифрлық және ЖИ-құралдары» атты шеберлік сыныбымен қорытындыланды. Онда тәрбие жұмысын ұйымдастырудың және ата-аналармен өзара әрекеттесудің заманауи форматтары ұсынылды.
Семинар қатысушылары іс-шараның жоғары практикалық бағыттылығын ерекше атап өтіп, ұйымдастырушыларға алғыстарын білдірді. Ұсынылған құралдар мен әдіс-тәсілдерді өз тәжірибесінде бірден қолдануға болатынын атап өтті.