Халықаралық «Қазіргі қоғамдағы мұғалім мамандығының мәртебесі» атты ғылыми-практикалық семинар

Халықаралық «Қазіргі қоғамдағы мұғалім мамандығының мәртебесі» атты ғылыми-практикалық семинар Алматы қаласының ЖТҒӘО мен Абай атындағы ҚазҰПУ-дың қолдауымен «№ 79 гимназия» КММ-нің ұйымдастыруымен 2025 жылдың 28–29 сәуірінде сәтті өтті.
Семинар жоғары оқу орындары мен колледж оқытушылары, мектеп мұғалімдері, докторанттар мен магистранттар үшін маңызды алаңға айналып, қазіргі қоғамдағы педагогтің рөлі мен мәртебесіне қатысты өзекті мәселелерді талқылау және тәжірибе алмасу үшін кәсіби қоғамдастықты біріктірді.
Іс-шара аясында келесідей тақырыптар қозғалды:

• педагогикалық мамандықтың әлеуметтік маңызы;
• оқушылардың кәсіби бағдары мәселелерінде ата-аналармен өзара іс-қимыл;
• білім беру процесіне цифрлық технологияларды интеграциялау;
• пән мұғалімдерінің тәрбие жұмысына қатысуы.

Гибридті өткізу форматы (күндізгі және онлайн) түрлі өңірлерден педагогтардың кеңінен қатысуын қамтамасыз етті.
Семинар жұмысына Қазақстан, Қырғызстан, Өзбекстан және Украинаның жетекші ғалымдары — профессорлар, педагогика ғылымдарының докторлары қатысты.
Семинар қорытындысы бойынша негізгі мақсатқа — тұрақты кәсіби өзара іс-қимыл, білім алмасу және білім беру процесіне үздік педагогикалық тәжірибелерді енгізу үшін платформа құруға қол жеткізілді.