«Ұлы өнертабыстарға алғашқы қадам»

22 қыркүйекте «Ұлы өнертабыстарға алғашқы қадам» атты ғылыми жобалар байқауының қалалық кезеңі өтті. Біздің гимназия оқушылары мектебіміздің намысын абыроймен қорғап, тамаша нәтижелер көрсетті:
- Қадырбек Дана, 11 «Б» сынып оқушысы, «Ең үздік рационализаторлық ұсыныс» номинациясында 1-орынды иеленіп, бұл байқаудың республикалық кезеңінде Алматы қаласының намысын қорғайтын болады!
- Васильев Егор «Ғарышкерлік және аэроғарыштық техника саласындағы модельдер» номинациясында 2-орынды иеленді.
Оқушылардың осындай жоғары нәтижелерге жетуіне физика пәнінің мұғалімі Серікбаева Алия Рахметілдаевна зор үлес қосты.
Бұл жеңістер – табандылықтың, жаңа білімге деген құштарлықтың және ұстаздардың қолдауының нәтижесі. Біз өзіміздің дарынды оқушыларымызды мақтан тұтамыз және оларға жаңа ғылыми жетістіктер жолында толағай табыстар тілейміз!